+7 (7252) 27-78-52, 29-64-08
Otirar-nursat@mail.ru
facebook.com/ms.otyrar
instagram.com/otyrarlib.kz
«Отырар» облыстық ғылыми-әмбебап кітапханасынан 2016 жылдың соңында Оңтүстіктің дара тұлғаларының шығармашылығынан сыр шертетін «Оңтүстік» көрме залы ашылды.
Көрме залында ақын Мұхтар Шахановтың шығармашылығы бойынша тіл туралы еңбектері, желтоқсан тақырыбындағы жазбалары, ақын жайындағы естеліктер, әлем таныған ақынның Ш. Айтматовпен, Ш. Қалдаяқовпен, Т. Айбергеновпен достықтары жайында мәліметтер мен фотосуреттер қамтылған.
Ұлы Отан соғысының ардагері, әдебиетші Әдіһам Шілтерхановтың 3 томдық таңдамалысы мен «Дала мен дана», «Аталы сөздер» жинақтары да көрме залында орналасқан Әдіһам Шілтерхановтың шығармашылығынан сыр шертеді.
«Оңтүстіктің Омарбайы» атанған ақын О.Малқаровтың жыр жинақтары, жазушылар Қалаубек Тұрсынқұлов, Тұтқабай Иманбеков, Қарауылбек Қазиев, Ерсін Қойбағаров және ақындар Тұрсынай Оразбаева, Бөрғазының Өскенінің шығармалары «шаң басқан архивтерде» сақталмай, елінің қастерлеуімен көрмеден орын алуда.
Сондай-ақ, көрме залынан жазушы, драматург Дулат Исабеков пен жазушы, журналист Мархабат Байғұттың туындылары қазақ прозаның дамуы мен жазушылардың шығармашылық әлемі жайында мол мағлұмат алуға болады.
Ақын, сазгер Исраил Сапарбай, ақын, аудармашы, баспагер, журналист Нармахан Бегалы, ақын Ханбибі Есенқарақызы, ақын, тарихшы Әмзе Қалмырзаұлының еңбектері орналасқан көрме залынан қазақ поэзиясының дамуы мен ақындардың шығармашылық зертханасынан мәліметтер жинақталған.
Көрме залы тағы да қаламгерлер туындыларымен толықтырылуда. Ендігі кезек осы мұраларды зерттеп, ғылыми тұрғыдан таразылау.
Жұмыс уақыты:
Күнделікті сағ.:9:00-18:00
Демалыс күндері: сенбі, жексенбі.
