«Бір өлке – бір кітап» 2018

---

Мәдениет басқармасының және Отырар облыстық ғылыми әмбебап кітапханасының бастамасымен 2014 жылдан бастап, облысымыздағы өз өлкеміздің тұлғаларын, қаламгерлерін насихаттау, шығармаларын дәріптеу үшін «Бір өлке – бір кітап» облыстық акциясы бастау алды.

2017 жылы «Бір өлке – бір кітап» облыстық акциясы бойынша Еркінбек Тұрысовтың «Темірлан» тарихи романы таңдалды.

«Бір өлке – бір кітап» - 2014. Жыл таңдауы – С.Ерубаев «Менің құрдастарым» романы.

«Бір өлке – бір кітап» - 2015. Жыл таңдауы – Т.Әлімқұлов «Телқоңыр» әңгімесі

«Бір өлке – бір кітап» - 2016. Жыл таңдауы – Қ.Байболұлының шығармалары

«Бір өлке – бір кітап» - 2017. Жыл таңдауы – Е.Тұрысов «Темірлан».

 

«Оңтүстік Қазақстан облысына 85 жыл» жобасы

Оңтүстік Қазақстан облысы Ұлы Жібек жолында орналақан көне аймақ. Тарихын тереңнен алатын әулие-әнбиелі, киелі мекен. Үш миллиондай тұрғыны бар өңір 1932 жылы 10 наурызда Шымкент облысы атауымен құрылған. Ағымдағы жылы яғни, 2017 жылдың 10 наурыз күні Оңтүстік Қазақстан облысының құрылғанына 85 жыл толды. Ұлттық құрамының 75 пайызын қазақтар құрайтын Оңтүстік Қазақстан облысы ұлттық тілі, діні, ділі, салт-дәстүрі сақталған аймақ болып саналады.

«Оңтүстік Қазақстан облысына 85 жыл» жобасының мақсаты: еліміздің іргелі облыстарының бірі – Оңтүстік Қазақстан облысының мерейлі жылына орай өлкенің тарихын, экономикасын, әдебиетін, мәдениетін насихаттау. Жас ұрпақтың бойында туған жерге деген махаббат, құрмет сезімдерін қалыптастыру.

 

«Аудандар көші кітапханада» жобасы

«Аудандар көші кітапханада» жобасы Оңтүстік Қазақстан облысының 85 жылдығы аясында туындаған жоба. Жобаның мақсаты: Облыстың құрамдас бөлігі болып табылатын әр аудан, өздерінің зиялы қауым өкілдерін кітапханаға жинап өз өлкелерінің тарихын, өнерін, әдебиетін, мәдениетін, экономикасын дәріптейтін әдеби-мәдени кештерін өткізу. Облысымыздың аудандарынан шыққан белгілі тұлғаларды, ақын, жазушыларды, дарынды жастарды олардың шығармаларын облыс орталығы тұрғындарына таныстыру. Өлкенің тарихын, экономикасын, мәдениетін насихаттау. 

 

«Кедергісіз кітап» әлеуметтік жобасы

«Нұр Отан» партиясының «Кедергісіз келешек» бағдарламасы аясында жүзеге асырылып жатқан «Кедергісіз кітап» әлеуметтік жобасының мақсаты: мүмкіндігі шектеулі азаматтарды, әлеуметтік топтарды, уақытша қоғамнан оқшауланған азаматтарды  кітап оқуға тарту, оларға қолайлы жағдай жасау, әлеуметтік-мәдени ортаға бейімделіп, қоғам өмірінен тыс қалмауларына көмектесу. Облыстық «Үміт» балалар үйі, Ардагерлер үйі, Жасөспірімдер үйі және т.б. әлеуметтік мекемелерде жылжымалы кітап пункттерін ашу, кітап көрмелерін ұйымдастыру, облысымыздың белгілі тұлғаларымен кездесу кештерін өткізу.  

 

«Үлкен ел – үлкен отбасы» жобасы

Жобаның мақсаты: бейбітшілік кіндігі болған Қазақ елінде өмір сүріп, қоян-қолтық араласып жатқан ұлттар достығын  насихаттау. Өсіп келе жатқан өскелең ұрпақты отансүйгіштікке, бауырмалдыққа баулу.

Қазақстан халқы Ассамблеясының қоғамымыздағы беделін арттыра отырып, еліміздегі ұлт, ұлыстардың ауызбіршілігін нығайтуды басты мақсаты еткен бұл жобаның берері мол.

Сондай-ақ, жоба аясында оңтүстіктегі этностардың мәдениеті, өнері, әдебиеті және салт-дәстүрін насихаттауға бағытталған, ұлтаралық ынтымақтастықты нығайтуға арналған кездесу кештер желісі жоспар бойынша өткізіліп келеді.

 

«Отбасылық оқу – ұлт болашағы» жобасы

Жобаның мақсаты: кітап оқу – бұл тек уақытты жайлы өткізу амалы ғана емес, терең білім алудың басты  іргетасы. Сондықтан да жан-жақты дамыған білімді тұлғаны қалыптастыру үшін өсіп келе жатқан өскелең ұрпақты кітап оқуға бала кезінен баулу өте маңызды. Әрине бұл тәрбие отбасы ошақ қасында өрбігені дұрыс.

 

Қазақ халқында жеке адамның азамат болып қалыптасуында, қоғамның сүттей ұйып, берекелі ғұмыр кешуінде және сол қоғамның адами қағидаларды берік ұстана отырып дамуында отбасы институтының орны ерекше.

Біздің қазіргі дамып, өсіп келе жатқан қоғамымызда кітап пен отбасы тығыз байланыста болуы тиіс. Әрбір отбасында өсіп келе жатқан ұрпаққа кітап оқу үлкен ықпал тигізері анық, соған қоғам назарын аударту керек.

Отбасында балаларды кітап оқуға баулу, кітапқа деген қызығушылығын ояту, кітап оқуға ынталандыру, аға  ұрпақтың өнегесін жас ұрпаққа жеткізу, отбасылық оқырман әулеттерін жас ұрпаққа өнеге ету. Кітап айнымас дос, сабырлы ұстаз екенін баланың санасына сіңіру.

 

«Өлкенің өнер майталмандары» жобасы

Жобаның мақсаты: өнер майталмандарының өмірлері мен шығармаларын кеңірек насихаттап, оқырмандардың өнер саласына қызығушылығын арттыру және өнердің өр тұлғаларының мерейтойларын атап өту. Қазақтың  салт-дәстүрі мен  мәдениетін, өнерін насихаттау және оның дамуына үлес қосу.

Сонымен қатар, Оңтүстік Қазақстан облысынан шыққан өнер жұлдыздарының шығармаларын жинақтау, классикалық  өнер туындылары мен әдебиеттерін  оқырмандар арасында кеңірек насихаттау. Өнер өлкесінде өзіндік қолтаңбасы бар дарынды тұлғалармен кездесулер өткізіп, оқырмандардың өнер әлеміне қызығушылығын арттыру.

 

«Өлмейтұғын Ұлы ағыс»

«Өлмейтұғын Ұлы ағыс» жобасы аясында облысымыздан шыққан, бүгінде бақилық болған ақын, жазушыларды еске алу кештерін өткізу, олардың шығармаларын жас ұрпаққа насихаттау. Және де еске алу кештері арқылы, олардың шығармашылығына оралу, зерделеу, жадымызда жаңғырту. Жоба аясында жыл басынан бері ақындар Т.Айбергенов, Т.Оразбаева, Бөріғазының Өскені, Әбілда Аймақты еске алу кештері өтті.