QR кітапхана

Қазіргі заманауи кітап сүйер жастар қауымы кітаптарды, оқулықтарды электронды түрде оқығанды ұнатады. Уақытын тиімді пайдаланғысы келетін оқырмандар үшін бұл жедел, әрі ыңғайлы. Бұл QR-кітапханадағы кітаптардың мұқабаларының суреттерінде жеке QR-код басылған. Оқырмандар өзінің мобильді құралдарының камерасын кітаптың QR-кодына бағыттау арқылы ұнаған шығармаларын электронды түрде ақысыз көшіріп алуларына болады. Сосын сіздің ұялы телефоныңыздың, планшетіңіздің экраны арқылы таңдаған кітабыңызды оқу мүмкіндігіне ие боласыз.

Бұл үшін тек арнаулы QR-сканер қосымшасын немесе көптеген интернет-сайттардағы ақысыз қолжетімді басқа қосымшаларды пайдаланып, таңдаған кітаптың QR-кодын сканерлеу керек. Сіз ең алдымен өзіңіздің ұялы телефоныңызға QR-сканер қосымшасын жүктеп аласыз.

Цифрлық қорда көркем әдебиет те, танымдық және салалық әдебиет те бола алады және негізінен қазақ, орыс, ағылшын тілдерінде де ұсынуға болады. Бірақ негізінен мұнда өлкелік әдбиет және жергілікті қаламгерлердің шығармалары ұсынылады. Дәл осы бағдарлама арқылы жазушыларға деген қызығушылықты байқап, рейтингтерін құрауға болады, себебі шығарманың соңында оның неше рет жүктеліп, оқылғандығын көрсетілу мүмкіндігі бар.

Жобаны жасаушылар – «Отырар» қалалық ғылыми-әмбебап кітапханасының директор орынбасары Г.Алпысбаева және автоматтандыру бөлімінің қызметкерлері: Б. Жакашев, Н.Рыстанбеков, Е. Тюшевский, т.б.