«Қазақтың ірілері, Абайдың інілері – Сәкен, Ілияс, Бейімбет» атты әдеби кеш өтті

2019 жылғы 4 қазан күні «Отырар» қалалық ғылыми-әмбебап кітапханасында қазақтың кемеңгер қаламгерлері Сәкен Сейфуллин, Бейімбет Майлин, Ілияс Жансүгіровтың 125 жылдығына орай «Қазақтың ірілері, Абайдың інілері – Сәкен, Ілияс, Бейімбет» атты әдеби кеш өтті.
Кітапхананың директор орынбасары Г.Алпысбаева қазақ әдебиетінің шоқтығы биік қаламгерлер жайында қысқаша тоқталып, шараны ашық деп жариялады.
Кеште қоғам белсенділері Лес Дүйсенұлы, Жарқынбек Сейтінбет тақырып аясында баяндама жасап, Шымкент қалалық гуманитарлық-экономикалық колледжі оқытушысы Ләзат Шорақызы мен студент жастар әдеби композиция орындады.
Шарада Сәкен Сейфуллин, Бейімбет Майлин, Ілияс Жансүгіровтің қазақ әдебиетінің алтын қорына қосылған шоқтығы биік туындылары жайында сөз етілді.
Талантты әнші Ерсін Сіләмғазы қасиетті қара домбырада дәстүрлі ұлттық нақыштағы әндерін шырқап, көпшілікті тәнті етті.