"Қарапайым қоғам қайраткері"

Елбасы Н.Ә.Назарбаевтың "Болашаққа бағдар: рухани жаңғыру" бағдарламалық мақаласы аясында "Отырар" қалалық ғылыми-әмбебап кітапханасында "Шымкент: туған қала және тұлғалар" жобасы бастау алды. Осы орайда, 2019 жылдың 31 қаңтар күні қалалық "Отырар" ғылыми-әмбебап кітапханасында, көпшіліктің сұранысына орай, қоғам қайраткері, Оңтүстік Қазақстан облысының Құрметті азаматы Шалатай Мырзахметов жобаның алғашқы қонағы болып, "Қарапайым қоғам қайраткері" атты сыр-сұхбат кеші өтті.
Іс-шара барысында қоғам қайраткерінің үзеңгілес достары мен шәкірттері кеш иесінің өмірі мен еңбек жолын таныстырып, естеліктерімен бөлісті. Сонымен қатар, Жамал Омарова атындағы №1 балалар саз мектебінің "Мұрагер" домбыра ансамблі көпшілікке күй тарту етті.