6 қаңтар күні "Отырар" кітапханасының "Ақерке" балалар залы кітапханашыларының ұйымдастыруымен "Алпамыс батыр" жыр кеші өтті. Кешке "Мұрагер" домбырашылар ансамблінің жетекшісі, Жамал Омарова атындағы №1 саз мектебінің директорының орынбасары, Журналистер Одағының мүшесі Омар Қалмахан Қалтайұлы және ардақты әже Мәлен Перне қатысты. Іс-шара барысында кітап көрмесі жасақталып, қатысушылар назарына ұсынылып, ары қарай оқырмандар "Алпамыс жырын" нақышына келтіре оқыды. Шара соңында белсенді қатысушылар Республикалық "Алпамыс батыр" қоғамдық қорының Алғыс хаттарымен марапатталды.