«Сұлтанбек-дастан» кітабымен толықты

«Отырар» ғылыми-әмбебап кітапханасының қоры «Сұлтанбек-дастан» кітабымен толықты. Авторы - Сұлтанбек Қожановтың немере інісі, бүгінде мемлекеттік қызметте елеулі еңбек атқарып жүрген Төлен Қамарұлы Қонқақов.

Бұл кітап көрнекті мемлекет және қоғам қайраткері, тарихи тау тұлға, еліміздің біртуар перзенті Сұлтанбек Қожановқа арналған.

Сонымен қатар алаш ардақтысының туған-туысқандарының қилы тағдыры, олардың сталиндік азапты жылдардағы бастан кешкен тауқыметтер баяндалады.

Шығарма қазіргі әдебиетте сирек кездесетін жанр - дастан түрінде жазылған.